پس از روی کار آمدن طالبان در افغانستان، که مشکلات اقتصادی، سیاسی، فرهنگی، ورزشی و محدودیتهای شدیدی را برای مردم و بانوان افغانستان ایجاد کرده و دنیا هم هنوز این گروه مسلح را به رسمیت نشناخته، خبر میرسد که «طالبان تاجیکستان» هم در مرز افغانستان متولد شده است!
دیدارنیوز: منابع طالبان از ظهور گروهی تحت عنوان «جنبش طالبان تاجیکستان» در منطقه مرزی افغانستان با تاجیکستان خبر دادند.
یکی از اعضای گروه طالبان که نخواست نامش فاش شود، به خبرنگار آناتولی گفت: جنگجویان تاجیک در داخل طالبان «جنبش طالبان تاجیکستان» را در استان بدخشان افغانستان در نزدیکی مرز با تاجیکستان تاسیس کردهاند.
گفته میشود این گروه از سوی مهدی ارسلان، معروف به محمد شریپوف، شهروند تاجیکستان تشکیل شده و وی درصدد آغاز مبارزه مسلحانه علیه دولت تاجیکستان است. وی در لیست تروریستهای تحت تعقیب تاجیکستان قرار دارد.
مهدی ارسلان از جنگجویان گروه «جماعت انصارالله» بوده و روابط نزدیکی با القاعده و طالبان در افغانستان دارد.
برخی منابع محلی نیز ادعا میکنند که طالبان اداره امنیت ۵ شهرستان بدخشان را به این گروه که در حال حاضر متشکل از ۲۰۰ مرد تاجیکستانی است، واگذار و به آنها سلاح و مهمات خواهد داد.
در ویدئویی که در رسانههای اجتماعی منتشر شده، دیده میشود که گروه مذکور نیروهای خود را در برج مراقبت و پایگاهی در نقطه صفر مرزی میان افغانستان و تاجیکستان مستقر کرده است.
این درحالیست که ذبیح الله مجاهد، سخنگوی طالبان در جمع خبرنگاران وجود چنین گروهی را انکار کرده است.
وی با بیان اینکه اجازه نخواهند داد خاک افغانستان برای هیچ کشوری تهدید باشد، از دولت تاجیکستان خواست تا با اداره طالبان وارد گفتوگوی رسمی شود.
